巨胸陳瀅情趣內衣撩開波　蕭正楠冇反應？

好多無綫花旦為咗劇集都試過犧牲色相，好似陳茵媺同陳法拉都試過喺劇入面除淨Bra，不過呢2位花旦都已經從火線退下來，性感重任就交畀新一代小花！

無綫劇集《愛美麗狂想曲》繼早前李佳芯半裸濕身伸脷色誘陳豪後，原來仲有好戲睇！劇中，陳瀅為咗色誘蕭正楠，上身着上黑色性感情趣內衣，下身則穿上黑絲，用長腿去「撩」開蕭正楠身上嘅浴袍，雖然佢已經外披一件粉紅絲質睡袍，但當佢動作過大時，都不經意夾出事業線，難掩好身材！

劇情講述，陳瀅與蕭正楠婚後對親密行為十分避忌，所以佢要出盡法寶增添「性趣」，查實蕭正楠之所以避忌親密行為，係知道陳瀅抗拒生小朋友，故打算欲擒故縱，並等到對方嘅排卵期先出擊！

不過其實今次非陳瀅第一次性感演出，佢曾經喺《全職沒女》以Low cut出場，雖然只係得三秒，但迅即令佢人氣急升，成為宅男女神！