失聯37年後「重逢」 吳綺莉嘆與父關係生疏

2021年01月13日 18:18
東網電視
更多新聞短片
吳綺莉接到失去聯絡37年的老父來電問候,感驚喜又溫暖。
藝人吳綺莉甫踏入2021年,即收到「驚喜」,她於社交網透露接獲失去37年聯絡的爸爸來電問候,她回覆父親說:「我跟他說,你女兒快50啦,我還好,你放心,他跟我說,他的墓地也買好了,這是甚麼父女的對話。」
她今午出席新劇記者會。被問父女「重逢」經過,她大方透露:「好耐之前佢透過微博聯絡我啲同事,而姑姐就轉發咗啲黑白相畀我,啲相好舊,我認唔到,姑姐就話爸爸一個人喺美國生活,叫我聯絡佢。我哋30幾40年冇見過面,佢都70幾歲,但一聽把聲仲好壯健、好後生,之後我就留咗聯絡電話畀佢。」
父女隔空相認後至今沒有再聯絡及約定見面時間,吳綺莉說:「好生疏,因為大家冇乜相處。我有開聲叫佢返香港,但佢好似冇乜意願,話自己安排好晒啲事。(你親身去接佢返嚟,或者叫孫女接佢?)我去有難度,本身有飛機恐懼症,坐船去來回可能要足足一年,其實返唔返嚟都要睇佢嘅決定。」