煮清湯腩冧謝東閔？朱智賢跑4公里消脂

無綫咪神朱智賢（Ashley）去年因捲入桃色風波令工作全面叫停，至今仍處於休息狀態。近期活躍於社交網，運動同行山嘅相同大家分享。

由於疫情仍然嚴峻，好多人都變成疫境廚神，喺屋企煮番幾味，今日佢化身「四眼妹」喺社交網透露煮清湯牛腩，見佢整得有板有眼，相信作為男友嘅謝東閔有口福喇！食得咁開心，當然唔可以鬆懈，煮完飯之後即刻落街跑4公里，消耗番200幾個卡路里先，忍唔住都要讚自己過得充實！