廖碧兒晒咪咪露腹肌　貼身攬實老外猛男！

今個月踏入42歲嘅廖碧兒，同富二代盧啟賢嘅戀情雖然未被確認，但係生活依然好精彩，今日佢就上載同外籍猛男嘅泳照，相中嘅佢Fit爆露出腹肌同豐滿上圍，非常性感又健康，網民都大讚佢Keep得好好！另外仲有幾張拍戲時嘅花絮相，佢又從後箍住拍檔，而對方又打橫抱起佢，當佢係錘咁敲鐘玩到癲，搞得依人開心不斷笑，互動相當親密！

由劉詩詩同倪妮主演嘅時裝劇《流金歲月》正喺到熱播，啱啱播出嘅一集講到倪妮閃婚，佢着起超Deep V設計嘅婚紗出嫁，勁騷深長事業線，真係好有睇頭，加上簡約貼身剪裁，盡顯完美身段，真係又性感又高貴優雅。呢個造型咁靚，網民梗係大讚啦，而當晚結婚情節亦為劇集掀起高潮，有關劇集嘅話題隨即登上熱搜榜，更喺頭10名佔咗3個席位，氣勢強勁。