【走出情傷】梁皓恩深信性本善 覺得仲有好男人!

2021年01月13日 21:00
東網電視
更多新聞短片
不過再拍拖會搵閨蜜先過目!
舞台劇演員梁皓恩(April)近年在娛圈作多方面發展,電影、節目主持、模特兒及廣告旁述等,相當吃得開!早年遇上感情重創的她,靠努力走出陰霾,雖然曾被欺騙,但依然相信人性美善,不過若他朝展開新感情,定必找閨蜜過目,穩陣至上!
April早前與張繼聰合作拍戲,對於這位前輩,她讚嘆不已:「佢係一個好認真嘅演員,同佢拍戲,真係可以零秒入戲。記得有場嗌交戲,我哋一嚟已經好投入,好難忘!」至於跟張紋嘉主持飲食節目,她大讚有默契:「佢都係舞台劇演員,大家有共同話題。試過有幕要我哋手拖手衝入餐廳,拍嘅時候好似兩個小朋友咁,好可愛!」
April思想正面又愛笑,完全看不出早年曾經歷人生低潮,舊愛張致恒(Steven)背着她出軌,直至對外公布做老竇,她才如夢初醒,當時深陷極度痛苦之中,幸最終都能走出來,她說:「每個人都有好多古仔,我都經歷過人生低谷,但我覺得一切都會過去,開心同唔開心都唔會永遠,我會選擇堅持正念,珍惜現在。」
愛過痛過,她揚言仍會相信男人:「因為我本身性格好信人,覺得人應該係美善,我冇辦法做到步步為營,成日覺得人哋會害我。我承認自己眼光麻麻哋,如果有合眼緣嘅人,一定會先畀朋友過目,同埋唔會咁快認定對方,會睇得好清楚先開始。」
化妝:Cosette@cosetteleemakeup
場地:4Ward Fitness