譚詠麟加入行山團　恨試周潤發「手勢」

跟影帝周潤發行山的隊員陣容愈嚟愈強大，連譚詠麟（阿倫）都加入其中，但醉翁之意不在行山，反而最想試吓發哥嘅揼骨手勢。阿倫今日喺社交網上載咗同周潤發、苗僑偉、黃日華同盧海鵬嘅相片，今次阿倫就冇份行山，只係偶遇佢哋，但已約定下次預埋佢。佢留言：「晨早偶遇幾位型男兼老友，原來他們全都加入了Mark哥的戶外跑隊剛剛做完運動，聽説發哥是全隊的隊長、教練兼按摩師；已經和我相約於不久將來一齊跑跑，便試試⋯⋯發哥手勢。」​​​​

見一眾行山友都精神奕奕，而且好醒咁戴咗帽，就算大風吹，最起碼個頭都唔會亂，反而阿倫個雀巢頭，亂到好似啱啱起身咁！