同蔡思貝鬥醜 胡鴻鈞求突破玩自殘

2021年01月14日 09:19
東網電視
更多新聞短片
化了小丑妝的胡鴻鈞自行「毁容」,求突破唔要靚仔樣。
蔡思貝在《踩過界II》靠醜攀上「視后」寶座,而其緋聞男友胡鴻鈞(Hubert)亦於新歌《心跳移植》MV中,自毁靚仔形象求出位。化了小丑妝的他,失控地將妝容強行抺掉變成大花面,而且行動如喪屍僵硬,一時木無表情、一時又面容扭曲,令人不寒而慄,唱歌都有演技。
對於小丑造型令「男神崩壞」,他接受東網訪問時竟說:「我啲朋友讚首歌拍得好好睇,同埋佢哋讚我化咗呢個妝仲靚仔咗。」他極愛這個醜造型,皆因完全可帶出歌曲想表達的訊息:「就係對人歡喜背人愁,好多人其實內心並唔係大家想像或睇到咁快樂,啲朋友話首新歌好好聽。」更覺得可在MV中,嘗試不同的造型絕對是好事:「可以令我有突破空間。」
問蔡思貝可有聽其新歌?鮮有談及緋聞女友的他直言:「佢都話呢個MV係佢覺得最感動嘅一首,(佢都有新歌MV?)我都有聽到佢個嗰cover,有同佢講:『你唔好唱歌啦!唔好搶我飯碗』。」而蔡思貝都「踩過界」做歌手,未知這對緋聞男女何時合唱給粉絲送彩蛋呢?