女星食啲乜？關曉彤打邊爐食齋：快樂的好吃

近日天氣寒冷，相信唔少人都會喺屋企打吓邊爐取暖，內地女星關曉彤呢日亦忍唔住湊吓熱鬧，指喺網購咗個小火鍋返嚟屋企1個人過吓邊爐癮！

憑住火鍋出色嘅外表，已經令佢相當滿足，坦言即使係用熱水嚟湯底，一樣食得開心：「可以控制你進食的速度，因為你需要自己涮，在等食物時你可以細嚼慢嚥，讓自己慢慢吃。」

雖然配料只係得西蘭花、豆腐同埋白蘿蔔，呢啲望落食極唔飽嘅食物，但佢坦言配上佢自家醬汁，都覺得好好食：「真的好好吃吃，一種快樂的好吃，其實很簡單，只是白水煮而已，但吃飯是我這一天當中，我非常珍惜的時刻。」唔少網友見到都留言指「明星太難了」、「一塊肉都沒有嗎？」、「這些能吃飽嗎？」，感慨佢真係食得太少啦！