湯告魯斯買兩部防疫機械人放片場　似「未來戰士」

美國男星湯告魯斯（Tom Cruise）上月於《職業特工隊7》（Mission: Impossible 7）片場狂鬧工作人員未有保持社交距離的聲帶曝光後，防疫功夫更上一層樓，被爆買入兩部高科技防疫機械人，放在片場巡邏，監視所有工作人員！

知情者透露：「套戲今個禮拜會喺英國恢復拍攝，之後會去杜拜。阿湯好認真，為咗確保拍攝唔會暫停，花好大筆錢買咗呢啲機械人，因為佢唔可能成日喺周圍睇住啲人有冇守規距。冇錯，上個月佢發火可能有啲誇張，但佢其實係啱嘅，好多知道內情嘅人都同情佢。呢啲片畀好多酬勞佢，但佢亦知道依家有得開工係好幸運，而上上下下工作人員都要靠呢部片搵食。你都唔使特別睇，都知道呢個疫情點樣影響個職場。」

用來防疫的機械人，被形容得神乎其神：「呢啲機械人非常複雜，仲幾有震懾力。佢哋就好似『未來戰士』咁，只係冇咁暴力。」該機械人亦可即場替工作人員做檢測。