細細粒直播「賣命」喪食Sell貨 網民擔心衝破230磅

2021年01月14日 12:33
東網電視
更多新聞短片
唔少香港藝人近年都北上做直播賣貨吸金,好似蔡少芬、羅嘉良、曾志偉等,不過主要都係講多過真係要親身試,但細細粒(陳嘉佳)就豁出去,做美食帶貨達人,粉絲人數高達42.2萬,號召力相當唔錯!
佢大多數晚晚都會喺社交平台直播Sell嘢食,由賣橙、賣臘腸、賣花膠都唔放過,仲誇張到話:「冇辦法啦,我日日都要食花膠,女人去到呢個年紀唔食花膠好易老......你知唔知我今年36歲一條皺紋都冇係食花膠食番嚟㗎,我唔係美顏呀,我係一條皺紋都冇,我食花膠食咗15年喇!」而當時佢已經食咗4碗花膠!
見佢咁食法,唔少網民都好擔心佢健康,皆因2018年佢曾公開體重已高達230磅,上年9月佢喺大陸隔離磅重時,個磅就顯示「ERROR」!好多人都驚佢體重再創新高,遲早食出事,叫佢睇住呀!