【險墮騙案】鄧麗欣靠網民執番身彩:感謝大家!

20210114
東網電視
更多新聞短片
社交網絡陷阱無處不在,早前許廷鏗就透露帳號被入侵,雖然唔見咗一啲Post,但好在最後攞得番個Account仲多咗千個粉絲,但陳自瑤同傅穎就咩都冇晒要重新嚟過,而傅穎嘅舊隊友鄧麗欣(Stephy)都差啲墮入騙案!佢上載咗張截圖問網民:「大家有沒有收過這個訊息?到底是否騙案?」圖中顯示係有自稱該社交網團隊嘅人發訊息畀Stephy,指佢違反咗版權守則,限佢喺24小時內回覆,否則會刪除帳號,如果認為呢個「指控」係個錯誤就撳入一條Link!
好在Stephy冇上當,如果唔係就有排煩喇,佢之後再出Post寫道:「感謝大家回覆!知道應該是假訊息,如果大家收到類似的也不要點進去,以免帳號被盜!」