歐鎧淳着火辣舞衣跳鋼管舞　大騷蜜桃臀超誘人

香港女飛魚歐鎧淳向來積極操練，但係最近天氣咁凍，加上泳池暫停開放，所以佢暫時唔跳落水，改為大跳火辣鋼管舞！其實佢跳鋼管舞都已經一段時間，今日佢喺社交網透露孖住好友，齊齊着住火辣舞衣，大騷美好身段兼蜜桃臀，為大家喺咁凍嘅天氣暖一暖，佢留言：「呢一次叫做跳咗week 8 performance，值得出post紀念紀念，唔知未來我有冇勇氣跳有觀眾嘅performance？」

無綫劇集《愛美麗狂想曲》繼早前李佳芯半裸濕身伸脷色誘陳豪之後，原來仲有好戲睇！劇中，陳瀅為咗色誘蕭正楠，上身着上黑色性感情趣內衣，下身則着上黑絲，用長腿去「撩」開蕭正楠身上嘅浴袍，雖然佢已經外披一件粉紅絲質睡袍，不過當佢動作過大時，都不經意夾出事業線，難掩好身材！