「炒車」3日後蒲頭!江嘉敏掩眼法遮腩肉晒索爆靚相

2021年01月14日 14:41
東網電視
更多新聞短片
《萬千星輝頒獎典禮》當晚一眾女星都「胸」群而出鬥靚鬥索,而無綫小花江嘉敏都成功吸引大家目光㗎,不過係靠條芝蓮腰搶鏡……
「炒晒車」嘅佢,事隔3日終於「上水」,喺社交網晒出靚相,見佢用手遮住腰間啲肥肉,多謝化妝師狂搵又靚又瘦嘅角度幫佢影相,又話「企直係靚嘅」,仲自爆連前輩都睇唔過眼:「連未合作過嘅前輩都話要介紹健身教練畀我識!」
佢又乘機𢱑減肥代言,笑言:「到底有多少個飲食界客戶痛錫我,大家有目共睹😬😬😬👀👀👀希望在新的1年可以吸納減肥界客戶!」有網民留言:「你賺咗啦,又可以搵錢就可以乘機減肥😌🎉🎉」、「肥得咁靚邊個會介意😍」、「食得是福呀,依家咁樣,好攬!」、「其實你唔算肥,只不過當晚揀錯條裙同顏色着!還有你當晚髮型令你變得太成熟!」江嘉敏就好親民咁回覆:「我會好好係呢方面研究吓,做多啲功課😂」