胡杏兒同老公3個月定終身　自爆願意閃婚全因......

「三料視后」胡杏兒早前返到大陸工作拍真人騷又接受咗多個訪問，早前佢就重提10年前舊情，今次佢就暢談老公李乘德（Phil）。佢坦言對老公係一見鍾情，主持人問到對方同佢一齊有冇壓力，杏兒直言公布戀情後係好有壓力：「如果一起要偷偷摸摸，倒不如大方一點我們就都可以出來，清清楚楚站出來，代表了大家都是很有誠意的去說這件事。」

《萬千星輝頒獎典禮》當晚一眾女星「胸」群而出鬥靚鬥索，無綫小花江嘉敏都成功吸引大家目光㗎，不過係靠條米芝蓮腰搶鏡。「炒晒車」嘅佢，事隔3日終於「上水」，喺社交網晒出靚相，見佢用手遮住腰間啲肥肉，多謝化妝師狂搵又靚又瘦嘅角度幫佢影相，又話「企直係靚嘅」，仲自爆連前輩都睇唔過眼，連未合作過嘅前輩都話要介紹健身教練畀佢識！