天氣太好　周勵淇忍唔住出街曬太陽

藝人周勵淇去年由佗B到生完BB，甚少出席活動，亦冇咁活躍於社交網。近日因為疫情關係，身為媽媽嘅佢都冇咩點出街，留喺屋企專心湊B照顧家庭，但見到今日天朗氣清，又有太陽，佢喺社交網透露忍唔住戴番個口罩出去行吓：「今天天朗氣清，忍不住跑出去曬曬太陽，希望疫情快點過去，不用戴口罩，呼吸新鮮空氣#大家齊心抗疫#堅持堅持」唔少網友指好掛住佢，更指忙於照顧小朋友嘅佢，氣色唔錯，大讚佢仲愈嚟愈靚添！