一個動作露情緒！Baby發火嗌老公做「黃先生」後現身

藝人Angelababy同黃曉明結婚6年，早前因為佢老公擔任《乘風破浪的姐姐2》主持一職，撞正有份參加節目嘅舊情人李菲兒，令當年Baby疑介入嘅傳聞再度成為焦點，佢喺社交網發聲明澄清時竟然用「黃先生」嚟稱呼老公，真係隔住個Mon都感受到佢嘅怒氣，而黃曉明之後宣布退出節目，似係想平息風波。發聲明後一直未有見人嘅Baby呢日終於現身，約埋金牌製片人于正喺橫店開餐，當日Baby紮辮戴帽加口罩現身餐廳，得番對眼露出，喺表情上的確好難分別到佢嘅心態，不過食完走人返屋企嘅時候，佢蹦蹦跳上樓梯似足小朋友，睇嚟同于正食飯傾偈之後，心情大為好轉，似乎已將麻煩事放低！