古裝女神復出拍劇　郭羨妮：積極做功課

藝人郭羨妮自結婚誕女後，減產專心照顧家庭，減少喺幕前出現。佢喺社交網透露，疑似「出山」拍劇，仲上載自拍照外同一堆劇本嘅照片，見佢好努力咁做功課，劇本內貼晒Memo作為記號，非常認真，留言：「積極做功課中。」

向來有「古裝界女神」之稱嘅郭羨妮，曾經演出唔少古裝角色，好似有劇集《尋秦記》嘅琴清、《洛神》嘅郭嬛同埋《帝女花》嘅昭仁公主等。網友紛紛留言指好期待佢再拍劇，更指煲住舊劇頂住先！