楊丞琳靠單人運動解相思苦　3隻字疑透露被隔離

台灣歌手楊丞琳因為疫情關係，已經好耐冇見過老公李榮浩，近期迷上做運動嘅佢，呢日喺社交網上載兩張做運動做到面紅紅嘅相，指自己唔出門口都能夠燃燒脂肪，她留言：「不出門自主訓練，跳床+肌力=爆汗，冬天更不能懈怠！」

呢個發文睇嚟好似冇咩嘢，但唔少網友竟然偵探上陣，指佢呢句「不出門」相當有可疑，更紛紛猜測佢係咪為咗見老公，所以按捺不住嚟咗北京，進行緊隔離生活，唔出門口留喺酒店做運動，有網友留言：「不出門是因為在內地隔離嗎？」「肯定是在隔離啦！不然就會是健身房的照片啦！」