39歲袁偉豪婚後顏值大跌Watt 回顧昔日男神靚仔樣

20210115
東網電視
更多新聞短片
現年39歲的袁偉豪(Ben),有指自從婚後樣子極速變殘,網友專登開Post討論,搞到Ben忍唔住要出嚟反擊,其實Ben以前真係幾青靚白淨,而且又練得一身好肌肉,絕對可以令女士流晒口水!
當年只有15歲嘅佢,已經參加過校草選擇,可見佢係幾咁想入娛樂圈,15歲開始就好清楚自己想要乜,當選校草後冇再讀書,曾任人體素描模特兒,亦演出維他奶廣告及簽約唱片公司。
之後就接拍電影,於《新古惑仔之少年激鬥篇》,飾演巢皮一角,對手仲要係謝霆鋒,也參演過不少電影如《烈火戰車2極速傳說》、《賭俠1999》、《無間道》等近30套電影。
但隨住電影業衰退,演出機會愈來愈少,曾為生活要做送貨員。直到2007年,袁偉豪把心一橫參選香港先生並勝出,之後開始拍攝電視劇,但多以閒角或配角身份出場。
2016年終於機會嚟喇!袁偉豪憑《城寨英雄》「牙佬」一角成功彈起,還經常爆衫騷肌肉,立即成為少女新男神!網友都話「牙佬」時期係佢顏值高峰。佢為咗Keep好副Body成日做運動,不過睇得出佢都真心熱愛,社交網中每隔幾張就有跑步、運動相。
不過高處未算高,最勁當然要數佢迎娶富家女張寶兒,用7,000萬買入清水灣豪宅新盤傲瀧加2個車位,置完業之後成家立室,Ben坦言要努力搵錢供樓,未知係咪呢個原因,婚後Ben個樣真係殘咗唔少,顏值大跌Watt!