失落視帝兼誤以為攞獎!劉丹終於開腔有嘢講...

2021年01月15日 14:53
東網電視
更多新聞短片
無綫處境劇《愛.回家之開心速遞》演員劉丹、滕麗名、呂慧儀、湯盈盈、周嘉洛等在將軍澳電視城為該劇在《萬千星輝頒獎禮2020》榮獲「萬千光輝演藝大獎」舉行祝捷會,兼為1月生日的演員慶生。滕麗名與呂慧儀指除了慶祝劇集攞獎, 加上1月多演員生日,開工時大家不停叫外賣慶祝。
劉丹被問到失落「視帝」可有失望?他笑說:「預咗攞唔到,5強都入唔到點可能攞到,攞嚟搞笑,當時係諗住搞吓氣氛。」
對於當晚胡定欣頒發「最受歡迎電視男角色」時,突然大叫一聲「丹爺」,令他一度誤以為攞獎,他笑謂是誤會一場。近日生日的他指最開心是孫女「小糯米」在家等他放工唱生日歌慶祝。
近日在家撼頭埋牆令額頭腫起的滕麗名說:「好番好多,依家淨番啲瘀痕。好彩冇爆,唔係要入醫院。」呂慧儀笑說:「我哋《愛回家》拍嘢節奏快,連新陳代謝、消腫都快。」「容易受傷的女人」滕麗名自爆被老公鬧爆經常不小心弄傷,她笑說:「撞到牆都崩埋,唔緊要啦,中頭獎ok嘅。」