日花10小時重唱舊歌　鍾舒漫患失憶講到喊

歌手鍾舒漫（Sherman)與鍾舒祺(Sukie)接受網上節目訪問，她們姊妹情一向深厚，由童年一齊沖涼、攬住瞓覺、玩吐口水，講到拍拖，原本開開心心的Sherman，提到低潮期，她未講就喊，更爆出這幾年唱唔到歌是因為「失憶」，她邊用紙巾抹眼淚說：「呢幾年我每次演出都花好大力氣，我處理緊，好難捱，我冇分享過，出嚟我會扮冇嘢，但其實好有嘢。」Sukie透露家姐現在每日要花10小時不斷重唱以前的歌。

Sherman說唱唔到歌的問題好複雜，她說：「今日我做咗件事，聽日冇晒記憶，唔識做番，唔記得點做。我好痛苦，因為唱歌係我第一位，音樂上搵到自己，唱唔到好似冇咗條命。」她解釋問題在於自我要求好高，有段時間好憎自己把聲，想用其他東西代替自己，「於是我去畀心機去外國學唱歌跳舞，學到嘅嘢係啱，但個人好亂，令原本點做唔記得咗。」