高海寧Deep V晒膊兼露背　生日月大解放

藝人高海寧近年事業唔錯，繼之前憑內地劇《三十而已》喺內地人氣急升，早前又憑劇集《反黑路人甲》角逐視后寶座，雖然最終落敗，但難得返香港休息吓，心情大好，趁住今個月生日決定嚟個大解放！

早前已經慶祝咗34歲生日嘅佢，呢日以高貴大方嘅黑色晚裝示人，同朋友去酒店食飯，返到酒店房更把握機會影靚相，見條裙剪裁特別，既露出白滑玉背，前面又中門大開，露出久未露面嘅「咪咪」，為大家喺寒冷天氣送上溫暖，用性感福利圖答謝大家支持，佢喺社交網留言：「認識的、不認識的，長篇的、簡短的，這幾天收到超多鼓勵和祝福，點點滴滴的愛，我全部照單全收，因為你們，我活得更有自信，因為你們，我堅信自己的價值！」