單文柔開P慶陳展鵬生日 囡囡餵食柑幸福滿瀉

2021年01月16日 12:24
東網電視
更多新聞短片
1家3口過都一樣咁幸福。
藝人陳展鵬日前44歲生日的,因疫情關係與家人在家慶祝,太太單文柔喺社交網為老公開了一個小型Party ,在客廳放了展鵬英文名「RUCO」字樣的銀色氫氣球作布置,還準備了豐富晚餐。
不過單文柔唔係親自下廚,而係網上訂購日本空運海鮮,見到有海膽、牡丹蝦、三文魚籽、鱈魚子等,還有生日蛋糕及日本水果,啱晒鍾意食日本菜嘅展鵬,見壽星食到「舔舔脷」,捧着三文魚籽和海膽影相,相當滿意太太安排!
而囡囡「小豬比」陳諾瑤,就對氫氣球非常好奇,不停拉來拉去。而一歲多的小豬比最識冧爸爸,親手餵爸爸食日本柑,不過就將跌喺枱仔上的果肉遞畀爸爸,展鵬即時張開口迎接,媽媽搞笑配文,「跌咗就畀PaPa食,唔緊要,第時大個唔好畀過期嘢畀PaPa食就ok。」小豬比好精靈,點少得媽媽,轉頭將手上的果肉給媽媽吃,樣子可愛到爆,展鵬讚小豬比:「好Sweet喎你!你自己都要食1個。」小豬比的小手摘完果肉說:「爸爸…黐立立…抹手」,展鵬秒速遞上紙巾給小公主清潔,果然是廿四孝爸爸。
單文柔喺社交網上載親手整2層愛心蛋糕嘅個程,個蛋糕十分精緻,上層係西裝造型,黑色西裝加白色恤衫仲加咗個金色煲呔,下層則寫上:「To My Love Happy B Day」,另外仲有張老公抱住囡囡小豬比嘟起個嘴搶住吹蠟燭嘅相,超級可愛。單文柔留言:「陳生happy birthday! 由紅雞蛋到DIY蛋糕,希望你充滿電,儲滿能量迎接之後新工作!」