絕世好老闆 趙文卓彭懷安高額巨禮贈員工

2021年01月17日 09:01
東網電視
更多新聞短片
打工求開心,遇到好嘅僱主更開心!唔少僱主請助手都交個心出嚟,每逢對方生日同大時大節,必定會買厚禮氹對方開心!內地男星趙文卓同太太張丹露平時工作繁忙,故請保母照顧小朋友及處理家頭細務。日前趁住保母生日,除一家大細留喺屋企同佢慶祝,仲送上名貴鑽石頸鏈畀佢,報答佢呢13年嘅付出,張丹露喺社交網留言:「第13個年頭了,一轉眼姐姐都快高出她半頭了,不容易,照例1年1個蛋糕,1年1張照片,祝我家善良美麗的小楊生日快樂,天天開心。」獲唔少網友大讚夠闊綽!
圈中有點止得1個咁好嘅老闆呢?出Post已經買到幾個名牌袋嘅前港姐馮盈盈,財力雄厚,住海景豪宅,擁有多個港女恨到流口水嘅名牌袋,請個助手返嚟又要夠晒多功能,所以佢都冇待薄對方,早前聖誕節前夕係名店掃貨時,都不忘買隻名牌戒指兼帶對方去高級酒店歎下午茶!
講到終極闊佬老闆,藝人彭懷安一定榜上有名!經營茶餐廳嘅佢,雖然生意大減,但為報答喺茶餐廳工作超過10年嘅女員工,送上價值幾萬蚊嘅名牌手錶,喺經濟咁唔好嘅時候,真金白銀拎出嚟對員工,令唔少網友紛紛求筍工!