49歲朱茵重演「紫霞仙子」　眼窩凹陷歲月不留人！

49歲藝人朱茵1995年喺《西遊記大結局之仙履奇緣》飾演紫霞仙子，角色佻脫加上一雙靈動大眼令人心動，其中一幕單眼微笑夠晒經典。

最近佢為手機遊戲代言，相隔26年再次扮演紫霞仙子，不過有網友狠批廣告中嘅佢眼窩凹陷、雙眼疲倦，明顯大細眼，狀態不如從前，認為佢經常以「紫霞仙子」稱號接工作，似乎「炒冷飯」！有網友認為年屆49歲嘅佢，保養如此已經唔簡單，大讚氣質依舊喺度！