楊丞琳陳妍希挑機容祖兒　鬥生鬥死爭入女團

舊年內地綜藝節目《乘風破浪的姐姐》大受歡迎，令一班娛樂圈打滾多年嘅女星組團出道再次翻紅，就好似藝人張雨綺、鄭希怡（Yumiko）、陳松伶等。今年第2季名單遲遲未公布，不過已經有指多位圈中有地位嘅藝人好似容祖兒、鍾欣潼（阿嬌）、那英、張栢芝等會加入，絕對星光熠熠！

最近就有指2位台灣女藝人陳妍希及楊丞琳受邀參賽，當中楊丞琳近日就暗爆自己正在「不出門自主訓練」，不過佢經理人就回覆指並無參加第2季比賽。

已為人母嘅陳妍希，就被傳已確認參加，拍開戲嘅佢長居大陸，今次參賽更會係佢首次公開展示唱歌跳舞實力，令人期待。