夫妻檔攞獎 何雁詩唔記得多謝老公鄭俊弘

2021年01月17日 22:06
東網電視
更多新聞短片
剛新婚的何雁詩及鄭俊弘(Fred)愛得黐纏,結伴出席《2020年度勁歌金曲頒獎典禮》之餘,就連攞獎都要「夫妻檔」上台,同時以《血淚的磨練》及《對手戲》獲得「 勁歌金曲獎」,夫唱婦隨羡煞旁人!不過何雁詩「大頭蝦」未有於講得獎感言時多謝老公,臨獻唱得獎歌時才「補鑊」,而當輪到Fred唱歌時,何雁詩由歌手做回「小鳥依人」,含情脈脈望住台上的老公,更不時拍手支持。
2首「華語金曲獎」得獎歌是王君馨的《Casada》及谷婭溦的《該如何放棄愛》。而「傑出表現大獎」的金、銀、銅得主為林穎彤、糖妹及伍富橋,林與伍這對過氣緋聞情侶「分手」後仍難逃同台機會,更同時奪得同一個獎項,非常有「緣分」!
「最佳合唱歌曲獎」金獎由出爐馬來西亞視后龔嘉欣、羅天宇、戴祖儀及謝東閔,2個合唱版本的《逆流直上》奪得,首次唱劇歌便中獎的龔嘉欣多謝Fans支持,而羅天宇說︰「作為演員可以拎到呢個獎好夢幻。」戴祖儀落台時發生小意外,身穿的長裙被攝入舞台裝置,由謝東閔扶住解圍下台。銀獎是菊梓喬(Hana)及林峯的《低谷天堂》,當聽到得獎時她極度意外,因後者不在港,故由她代替攞獎,更爆笑說︰「好開心!不過到依家都仲未見過林峯!之前有見過嘅,但錄音同拍MV都冇見過佢,多謝佢,冇諗過可以一齊合唱,圓咗個小小夢想。」另外,銅獎是海俊傑及李施嬅的《二次緣》。