【朱敏瀚點算?】余思霆孖黑衫男夜蒲纏綿任摸

20210118
東網電視
更多新聞短片
前華姐余思霆最近到台灣拍攝節目,男友朱敏瀚就身在香港,雖然女友不在身邊,不過佢啱啱拎埋「飛躍進步男藝員」獎,咁多人同佢慶祝都不愁寂寞。月初,余思霆孖住由香港回台灣發展嘅歌手劉子碩到夜店夜蒲,當晚劉子碩社交網就晒出佢哋出去玩嘅片,見到大家都好規矩,點知今日就有影片流出,更見到余思霆喺夜店同1位黑衫男纏綿!
片中余思霆身穿白色貼身露背背心熱舞,衣着似足當日佢同劉子碩夜蒲嘅打扮,似乎係同一晚拍攝嘅。只見余思霆34C豐滿上圍起伏跌宕,身後仲有位黑衫男同佢忘情共舞,2人愈跳愈埋,黑衫男更索性從後攬實佢,左手大攬纖腰,右手就於近下體與臀部游走,而余思霆表現受落,一啲都冇抗拒亦冇推開對方,反而更繼續大扭纖腰,挺胸趷籮繼續跳!
其實余思霆同朱敏瀚一直都未有間斷咁聯絡,佢哋最近先喺社交網互動,見余思霆揸住長槍晒相留言:「一次就中!你真的很棒!一定可以的! #只有更努力 #霆霆小宇宙」朱敏瀚即刻回覆女友,語帶雙關留言:「這個標題可以很多意思⋯⋯」余思霆再回男友:「野孩子都是這樣說話的,我說我這射擊真槍真的是百發百中!對得起『遊戲小公主』這個稱號!(你們以為是甚麼意思?)」
就此事東網聯絡余思霆,佢就直認自己玩得癲:「我哋都係外國返嚟嘅一班朋友,所以都玩得比較癲少少,我去邊男朋友都知,所以冇事嘅,呢排都拍緊無綫嘅新節目,希望大家多啲關心我玩以外嘅嘢。其實嗰個場係gay吧嚟嘅,哈哈!(唔驚朱敏瀚呷醋?)唔會,我去到邊都會同佢講,返到屋企都會講,佢都好放心,佢知道我係比較多朋友喺台灣,所以佢都好明白,會相信我,呢一點我都好開心,之前成日唔喺台灣,今次返到去就好多朋友約聚會啫!」
而朱敏瀚都好相信女友,仲知道晒女友行蹤:「感情穩定,多謝關心!佢去邊都有同我講,我哋冇事呀!」