大S激瘦2個碼即變樣　汪小菲自爆認唔出…

台灣女星徐熙媛（大S）因疫情影響，被迫同老公汪小菲分隔異地，兩公婆冇見半年，佢要自己湊一對仔女都好辛苦！不過冇見一排，阿妹徐熙娣（小S）近日於社交網晒出大S激瘦新相，並寫道：「也太時髦了吧！是哪家的少女？」

相中大S着住黑色大褸襯過膝皮靴，有型又有Feel，加上佢超V鵝蛋臉同纖細光管腿，同以往微胖身形差距極大，少女般外貌即刻引起網友熱議。初時唔少人都以為相中人係小S啲囡囡，不過仔細睇先發現係大S，而佢激瘦嘅身材同凍齡靚樣，更加唔似已經係44歲嘅佢。

唔止網友嚇親，連老公汪小菲都留言大讚，發文笑說：「幾個月沒見，回去我都不敢認了，趕緊趁隔離的時候敷點兒面膜，要不真成兄妹了！」