湯洛雯同網友玩「你問我答」 扮唔識馬國明轉晒口風

2021年01月18日 13:17
東網電視
更多新聞短片
藝人湯洛雯(靚湯)同馬國明拍拖愛得高調,早前講明若男友冧莊攞視帝就結婚,可惜未能得獎。近日佢喺社交網同網友玩「你問我答」,揀咗唔少問題回答,好似「疫情係屋企有咩做」、「鍾唔鍾意睇韓劇」等都一一回答,但當提到馬國明,就大耍太極!問到「邊個係你男友」,佢竟然答係隻狗,而問到係咪已答應求婚,佢即扮傻問邊個,同平日嘅靚湯簡直180度大轉變!
講到2021年大計,佢話未來星期一會宣布,但強調唔係結婚,叫大家唔好再問,又透露工作唔如意,仲引用金句自我安慰,唔知關唔關頒獎禮失獎事呢?