李施嬅驚喜第1次出歌就獲獎：希望造多啲歌！

藝人李施嬅早前憑無綫劇集《法證先鋒IV》入圍角逐「第25屆亞洲電視大獎（Asian Television Awards）」的「最佳女主角」獎，惟最終敗給主演《無主之子》的台灣女星李又汝，不過身在加拿大準備拍攝新劇《血與水》的施嬅，對於飲恨獎項似乎沒有半點失落，她接受東網訪問時說：「有提名已好開心，全亞洲女演員爭一個獎，入圍已要開香檳，雖然冇睇得獎者作品，但相信評審團眼光，佢一定演得好好先攞到呢個獎，絕對唔容易，我惟有再努力，拎唔到都畀我動力再努力。」

雖然失落視后獎，但昨晚舉行的《2020年度勁歌金曲頒獎典禮》，施嬅與海俊傑就憑《二次緣》獲得「最佳合唱歌曲獎銅獎」，她說：「呢個真係令我驚喜，第1次出歌就有獎，好開心，希望第時可以造多啲歌。」

由於加國因疫情關係宣布進入緊急狀態，於實施居家令情況下，劇組拍攝有點受阻，不過她透露剛收到消息即將可以正常開工：「依家我仲有1星期隔離，所以要等劇組通知。」