《浪姐2》10人名單出爐！張栢芝獲網民力撐靚到絕

東網電視

大陸綜藝節目《乘風破浪的姐姐》大受歡迎，第2季即將播出，一直盛傳會參加節目嘅張栢芝雖然未有公開承認，但現秘密練兵，仲帶埋3個仔北上！今日，節目終於官宣參加者名單，一如所料有栢芝！

節目上載咗一共10人嘅海報，包括有大家熟識嘅栢芝、那英、高雲翔前妻董璇，大陸一眾藝人董潔、楊鈺瑩、金巧巧、李慧珍、左曉卿、程莉莎及胡靜！

唔少網民都話好期待栢芝嘅演出，留言：「張栢芝給我衝！」、「必須C位出道！」、「顏值擔當張栢芝」、「給姐姐加油！一定會有精彩的表現！」而今季似乎只有栢芝係唯一香港藝人，第1季則有鄭希怡、鍾麗緹及陳松伶出戰！

on.cc東網