客串港版《大叔的愛》　黃奕晨自爆諗過中途轉基

藝人黃奕晨（Dixon）出席ViuTV節目《考有Feel》記者會，身為主持的他透露節目組為求安心，再加上拍攝時需除口罩，一眾藝人將10日做1次檢測。稍後他將客串港版《大叔的愛》，劇中講述他與未婚妻因搵樓而產生爭執，問到可有想過「中途轉基」？他說：「有考慮過，之前喺台灣一間酒吧畀一個鬍鬚伯伯突襲，當時佢拍一拍我，我轉身佢就錫落我個嘴到，我即刻推開佢，佢啲鬚好拮，之後留下陰影，雖然平時同啲朋友見面都有錫，但只係錫面多。」

而嘉賓沈殷怡則透露現時有3個節目拍攝，當中的選美真人騷，將訪問一些醫學美容團隊，由於經常被指整容，笑指屆時藉此為自己澄清：「佢哋好專業，一眼就睇得出係真定假。（驚畀人話你整容？）未驚過，雖然係好多人懷疑。」

至於阮小儀對於商台有清潔員工初步確診新冠肺炎，她表示剛巧跟商台請假一星期，故未有接觸過該位同事，相信無需隔離，更說：「其實做呢個節目時已經要檢測，我哋好乾淨，知道今日商台嘅同事會一齊檢測，但我要開工，所以呢度幫我做私人檢測。」