【自爆血淚史】麥長青攞完男配灰到10個月冇工開

藝人麥長青（麥包）入行逾30年，他日前接受ViuTV節目《晚吹：有酒今晚吹》訪問，談到最辛苦的日子，他坦言：「當年攞獎前都做過主角，但慢慢去到1部劇得幾場戲，仲要畀人當透明，何必呢！」

原來攞獎前麥包已表明想離巢無綫，曾一度向好友表示：「我冇嘢撈，我想走啦！」當時做飲食生意的好友即叫他到餐廳幫手，但後來年尾他憑《巾幗梟雄之義海豪情》獲得「最佳男配角」，他笑指自己天真，以為前途一片光明：「點知之後10個月又冇工開，唔知點算好。」當時有其他電視台以9倍人工邀他過檔，不過他已續約無綫，錯失「搵真銀」的機會。