韓版湯洛雯!《驅魔麵館》金世正身材激凸Sweet到暈

20210119
東網電視
更多新聞短片
韓國熱播劇《驅魔麵館》女主角金世正早前被指同劉小慧年輕時撞樣,其實佢喺香港仲有個失散姊妹,就係女神湯洛雯(靚湯)喇!
現年24歲嘅金世正喺劇中以瀏海造型示人,同幾年前靚湯個髮型不謀而合,加上同樣有一對Bling Bling大眼仔,擺埋一齊睇十足孖妹咁!靚湯喺香港公認係女神,金世正都唔弱,曾入選「2020韓國票選素顏最美」第6名,只係僅次於「國民妹妹」IU,可見其超強人氣!雖然睇落係女神,但原來佢唔係行清純路線,性格爽朗又有親切感,說話語氣好似大叔咁,而被粉絲以「大叔」稱呼!
金世正係女團gugudan出身,仲擔任主唱,能歌擅舞,原來演技一樣了得!喺劇裏,金世正外表高冷,但內心溫暖,表現比起女團時期更加矚目!唔只甜美外貌夠吸睛,身材都好出眾,喺第2集中,以白色緊身Tee上陣嘅佢,露出激凸上圍,搞到飾演男主角嘅趙炳圭勁怕醜以雙手掩眼!
唔只身材好,佢仲有對強壯臂彎,喺歌曲《Whale》嘅幕後花絮中,就見到以粉紅色小背心上陣嘅佢,露出精壯二頭肌,令唔少網民笑言併埋落佢嘅甜美臉蛋度,好有違和感!身材咁「健壯」拍打戲完全冇難度,喺劇中唔少動作場面佢都親身上陣,非常專業!今次係佢首次擔正做女主角,亦只係佢第3個作品,但演技已經咁成熟,令少人都好期待佢將來嘅演出呀!