薛家燕情人節冇人約：嗰日赤口費事嗌交

藝人薛家燕為節目《流行經典50年》錄影，她透露節目停了3、4個星期：「好多觀眾都問節目係咪停咗，但其實因為之前有啲大結局要播，而節目喺1月31號會播番，今日我哋嚟拍宣傳片。」她又謂今集將於年初三播出，適逢當日是情人節，她笑言：「邀請咗啲夫婦上嚟，我就係單獨，就係話畀大家聽仲有希望。（你嗰日畀人約咗未？）嗰日係赤口，費事嗌交。」

講到疫情影響大家情緒，她構思在網上講笑話娛樂大家：「希望可以紓緩大家情緒，因為我試過隔離14日，情緒真係好低落，冇得去街，原來冇化妝同整頭係唔得，最後忍唔住照化妝整頭，心情先好番。」她又笑言笑話其實唔夠貨：「好多都係鹹濕笑話，聽埋聽埋。」

另外，提到馬浚偉開設教育中心培訓演藝下一代，同樣開設藝術中心的她表示是好事，不會打對台：「我間學校都做咗十幾年，我都係童星出身，發覺小朋友應該要好細個就開始栽培，我開學校都係希望小朋友唔好埋沒天分，仲會教佢哋做人道理。」