自爆用老公錢！苑瓊丹投資超市業務建飲食王國

藝人苑瓊丹早前進軍飲食業，近日更宣布將投資超級市場業務。她出席開幕儀式時更豪言以上市做目標：「靠我自己就梗係做唔到啦，好在識到一班老實唔呃人嘅Partner，佢哋做實事、我負責做宣傳，咁就夾埋一齊打天下！你知啦，藝人做生意好易畀人呃，都怕會損手輸入肉，揀拍檔係最難嘅一件事。如果有朝一日，可以過吓上市公司老闆癮，咁就一生無憾啦。」

她坦言將會不斷擴充業務，目標每區都有新店開張：「我哋想走貼地路線，希望街坊慳到錢，我哋又賺少少咁囉！加上我有熟餸包品牌，依家一條龍咁做，愈搞愈大多錢過我老公！（你有錢啲定老公身家厚啲？）傻啦！我啲錢係我嘅私己，佢啲錢係賺嚟養我，所以永遠都係我贏晒。」她笑謂老公不介意自己忙碌沒有冇時間「拍拖」，就算多月不見也沒所謂：「唔係我哋感情有事，係我哋生活習慣係咁嘛！之前冇疫情，去內地拍戲一走就幾個月啦，冇信任維繫唔到嘅，所以呢年有疫情冇得離港開工，佢賺晒見我嘅時間，我當然要用佢啲錢去投資做吓生意啦。