陳自瑤收示愛情信　對象唔係老公王浩信！

早前台慶頒獎禮，喺王浩信攞獎嘅時候，陳自瑤（Yoyo）嘅木無表情熱爆網絡，頒獎禮過後Yoyo投入工作拍攝《把關者們》，今日佢上載一張心心手勢相，仲回覆網友留言話「一齊加油」，網友都話愈來愈欣賞Yoyo嘅正能量！不過最令人震撼嘅係，佢上載一張上面寫住「Love You」嘅卡，仲話「晨早被示愛」，即刻引起哄動，不過Yoyo有hashtag送卡者，原來係黃智雯，佢2個喺化妝間食完麵仲一齊自拍，非常老友！

歌手古巨基出名係愛妻號，尋日太太Lorraine生日，佢就喺社交網甫咗太太嘅童年相，同囝囝嘅近照做對比，見到細個嘅Lorraine同依家嘅Kuson的確十足餅印一樣。佢仲賣口乖叫太太做「女兒」，佢話有個講法，今世嘅兒女係前世嘅情人。照咁嘅邏輯，今世嘅情人就係來世嘅兒女。所以呢日係佢老婆，亦都係佢個女兒嘅生日。佢祝老婆身體健康、快高長大同學業進步，仲話喺佢眼中，老婆同囝囝兩個都係小朋友。