猛男得個樣!陳家樂丁子朗開波要劉穎鏇指導姿勢
20210122
東網電視
更多新聞短片
![](/hk/bkn/cnt/entertainment/20210122/photo/bkn-20210122000214186-0122_00862_001_01p.jpg?20210122035641)
藝人陳家樂、丁子朗、劉佩玥(Moon)、劉穎鏇(Tiffany)等一班無綫劇集《把關者們》演員於上水拍攝一場打籃球戲份,家樂受訪時表示這幾天拍攝都很吃力,不是打波就是行山,原本還有一場與子朗一起落海拍攝的戲份,但導演指劇情可免,想他留力,本來貪玩想落海的他,無緣一嘗寒天下海的滋味。家樂謂:「尋晚我用手掂過啲水,都好凍,不過講到打籃球,我真係唔掂,Tiffany係高手,佢見我動作有問題,即刻指導我,令我入咗人生第2次嘅3分波。」
而於外國長大的子朗表示小時候多打羽毛球,本來想玩曲棍球,但遭母親阻止,他說:「我細個好潺好瘦,媽咪驚我受傷,所以唔畀我玩,我依家都要飲奶粉增肥,食極都唔肥。」3月他要開拍青春劇《青春不要臉》,身為90後的他更要演80年代角色:「會懷舊啲,監製都要求我留長少少頭髮,暫時只係知劇中角色唔係特別靚仔,有少少醜添!」
而Tiffany受訪時表示6歲開始打籃球,對於家樂、子朗的球技,她大讚似模似樣:「佢哋今朝先開始學,姿勢好好,出嚟效果好似真係好叻咁,今次劇入面我係一個體能好差又蝦碌嘅人,今日只係做啦啦隊,(鍾意打籃球叻嘅男仔?)未必打籃球,但都鍾意運動型。」
至於劇中與黃庭鋒飾演夫婦,育有一名兒子的Moon首次飾演人母,現實生活中喜歡小朋友的她笑言此角色可以表揚在職媽媽們:「原來生小朋友真係要考慮好多嘢,今次拍呢個角色令我諗咗好多嘢!(怕咗?) 又唔會,我同劇中個仔感情好好,仲約法三章拍完都唔會同佢斬䌫,第日會同佢去主題樂園玩!」