嬲爆嗌反枱！朱孝天粉絲唔夠500　竟然輸畀「佢」

唔少藝人因為疫情少咗工作關係，都轉戰網上開拓新搵錢途徑，台灣組合F4嘅朱孝天都唔例外開網上頻道，第1條片就拍攝寵物節目，搵嚟網紅佛瑞德做嘉賓！

朱孝天主動問起對方係咪有幫隻狗開社交網，粉絲人數幾多，點知閒閒哋都有7,000幾人，只係開咗1個月多！相反朱孝天喺2020年7、8月開，但只有488人追蹤，結果畀佛瑞德勁鄙視兼一面不屑，仲即場擰轉頭「嘆」氣一聲！朱孝天反問：「很掉臉嗎？488，多好的數字！」被佛瑞德暗寸狗都不如：「你x10都還不到！」朱孝天聽到火都嚟話：「憑甚麼？」之後問到對方幾多粉絲，佛瑞德就笑言叫佢：「別問，差不多你這個數字加1個K！」原來佢有超過11萬人追蹤，搞到朱孝天嬲豬嗌收工話要反枱！

不過節目播出後，朱孝天粉絲人數暴增至7,920人，比起佛瑞德隻狗（7,883）多出37人，終於可以「吐氣揚眉」喇！