馮盈盈「新仔」身份曝光！任職地產執董　姐夫係舖王

緋聞多多嘅馮盈盈，繼早前被東網爆出同何家公子何猷亨上遊艇開船P後，最近又爆出同西裝男撐枱腳，一餐晏仔3,000蚊埋單，盈盈事後解釋只係向對方請教投資，唔係拍拖！呢位西裝男來頭原來非常猛料，係大鴻輝興業地產執行董事曹展康（Bobby），姐夫係有「舖王」之稱嘅梁紹鴻。

梁紹鴻2013年首度登上《福布斯》香港富豪榜，7年來一直保持上榜紀錄，2020年，以45億美元（約349億港元）排名第19位！Bobby備受姐夫重用，經常一同出席重要場合，例如開幕儀式。去年梁紹鴻丁母憂，Bobby家姐曹文晶以「媳」位列在訃聞上。

身為地產界才俊嘅Bobby愛玩名車，收藏多部法拉利，不過為人低調，現時都係單身！有指，佢同盈盈係透過朋友介紹而認識！而今日，盈盈就喺社交網上載藍天白雲照，睇嚟心情相當唔錯！