恨嫁開晒口！鄺潔楹畀Signal叫男友行下一步

無綫小花鄺潔楹（Judy）去年底被爆撻着經營酒吧的富二代男友Ricky，熱戀中的她近日出席活動時容光煥發，對於名花有主令一班宅男心碎，她笑言：「其實一開始冇話想公開，再加上近排拍新年節目，師傅都叫我要低調戀情，希望咁多位高抬貴手，雖然自己好開心，只係諗住再穩定啲先講。（拍咗好耐？）拍咗一段時間，至於會唔會有下一步，咁我都係認真，但要睇吓對方點啦！」

談到《愛·回家之開心速遞》於無綫頒獎禮奪「萬千光輝演藝大獎」，Judy坦言很感動：「宣布攞獎時，我同蘇韻姿、林凱恩一齊起身，之後見到劇組嘅人出去就知道攞獎，好榮幸！呢套係我第一套參演嘅劇，好多感受。」