爭做「山系女神」！陳庭欣湯怡勁騷纖腰　謝嘉怡輸凸？

天氣反常，呢2日晏晝好似夏天咁熱，不過都冇阻一班靚女行山，爭住做「山系女神」！一向形象健康嘅湯怡，尋日終於得閒再出動，着上Sports Bra大騷纖腰，喺雜草堆留倩影，留言話「很久不見」，唔少網民都嗌佢喺劇集《反黑路人甲》嘅角色名「蘇芷珊」，睇嚟真係好入屋喎！

而港姐冠軍兼咪神陳庭欣（Toby）就同樣着上Sports Bra，高炒自拍微露線頭大嗌好熱！之後佢去到岸邊大擺甫士影相，靚人兼靚景！

相反，2020年港姐冠軍嘅謝嘉怡就好失色，佢包到勁密實，以黑色Leggings及T恤上陣零睇頭！而素顏嘅佢更略顯疲態，眼袋盡現，網民都叫佢要好好休息！