菊梓喬心急獻螢幕初吻 相士指點破Dry要做2件事

20210123
東網電視
更多新聞短片
40歲後先有姻緣,咪仲要等6年?
歌手菊梓喬(Hana)出席《慈善星輝仁濟夜》獻唱,3度蟬聯「最受歡迎女歌星」獎的她正式做一姐?她說:「冇人叫我一姐,我唔係,唔想好大壓力,想做好自己本分,唱好自己歌,平平凡凡順順利利一世就好,想多啲歌唱,多啲嘢拍。」
她透露最近有聲氣拍劇,但公司最後推掉,她直言失望:「話角色唔啱,其實我唔知乜嘢角色,我對角色冇要求,只要求多嘢拍、有對手有感情線就得,拍《解決師》時冇對手,因為之前拍咗友情線嘅戲,好平淡,想拍啲令我心動嘅戲,咀戲、瞓覺戲都OK(想獻螢幕初吻?)想呀!因為現實冇機會,淨係唱歌有啲悶。」
Hana自揭現在冇人追,擇偶條件要求心地好和不講大話,因為好多人都講大話,講笑唱了好多慘情歌,閱盡所有渣男,期間突然自爆剛睇相,相士話過40歲後有姻緣。她說:「不過佢話有得破(破咩?)破咗個陣,破釜沉舟,畫眉姻緣就嚟,之前唔理條眉,依家要執着條眉,同埋戴金色首飾。」