謝嘉怡上台唔擔心講歪音　郭柏妍拗柴頂硬上

2021年首個大型慈善盛事《慈善星輝仁濟夜》，星光熠熠，邀得菊梓喬、王灝兒、連詩雅、谷婭溦、鄭俊弘和何雁詩出席，仁濟醫院董事局主席周松東有出席支票頒贈儀式。2020港姐謝嘉怡（Lisa)、陳楨怡和郭柏妍聯同一班後生仔游嘉欣和黃凱儀等，表演幻像舞蹈，演出前郭柏妍透露為此環節練到手指瘀兼腳拗柴，她說：「前幾日練習時，唔小心行樓梯差錯腳，行到嘅，可以繼續表演，右腳腳跟腫咗少少。」Lisa笑言冇受傷，因為今次表演唔使點郁，問到會否擔心作出呼籲時忘記台詞？她說：「唔驚，今次係傾偈OK，（驚再講到似粗口？）No，係講歪咗啫！咬字唔得，我唔使特登講嘢，淨係傾吓偈。」她透露之前與陳楨怡跟病患者上船睇日落，達成對方心願；郭柏妍亦有探訪油麻地大火的受傷家庭。