袁偉豪咖啡拉花騷Quali　網友讚多才多藝

藝人袁偉豪對咖啡情有獨鍾，早喺2016年就已經學拉花，希望自己可以沖到一杯，又好味又好睇嘅咖啡。經過呢幾年時間，佢進步唔少，不時喺社文網騷Quali，畀大家睇佢嘅拉花功力！

佢喺屋企都有晒沖咖啡工具，呢日喺社交網上載1條沖咖啡片，見佢輕輕鬆鬆就已經完成拉花！其實佢嘅拉花，絕對可以媲美咖啡師，之前拉過心心、天鵝、玫瑰花同埋樹葉等，近排連心太軟都整埋，令唔少網友大讚佢多才多藝，似乎第時唔做演員，可以開番間咖啡店，做型男咖啡師喎！

另外，之前被嘲「醜男」嘅佢，唔知拍片時係咪開咗濾鏡，見唇紅齒白，成個小鮮肉網紅咁！