「桑德斯」出現多部經典電影　天行者忍唔住開心share

美國聯邦參議員桑德斯（Bernie Sanders）上星期在美國總統就職典禮上以「街坊裝」搶盡美國總統拜登（Joe Biden）鏡頭，而他戴住口罩撓埋雙腳雙手「瑟縮」坐在台下的照片更迅即成為網上「潛力圖」被網民玩到盡！

「桑德斯」在不少電影劇照包括《哈利波特》（Harry Potter）、動畫《沖天救兵》（Up！）甚至是日本動畫大師宮崎駿的《龍貓》、李小龍的《龍爭虎鬥》等片中出現，認真抵死！其中桑德斯出現得最多就是《星球大戰》（Star Wars）系列，就連《星戰》男主角「天行者」麥咸美（Mark　Hamill）日前亦忍唔住在社交網「開心share」。並留言說：「你哋有冇最喜愛嘅《星戰》／桑德斯潛力圖？（我真係好鍾意水缸中嘅那張！）??」

此外，曾被四仔網選為「年度首席四仔女星」的Mia Khalifa亦忍唔住抽水玩P圖桑德斯與她坐在一起，公開照片之餘亦留言指「因為男女平等關係，佢冇將自己嘅外套畀我着。」