彭懷安自認專業惡人　開到口想返大陸發展

藝人彭懷安（Eddie）為藝人阮德鏘的網上節目擔任嘉賓，談及前女友朱慧敏將嫁心臟科醫生，Eddie笑言：「可以講乜？恭喜、祝福佢。」對於有網民指前度嫁醫生比嫁他好，他說：「哈哈...我唔介意，唔會唔開心嘅，佢幸福快樂咪得囉，娛樂圈人慣咗呢啲評論。依家各有家庭，都冇再聯絡啦。」問可會跟前度鬥快生BB？他說：「我都鍾意小朋友，但呢啲要順其自然，況且現時環境未必適合生小朋友，我又唔想移民，香港先係我嘅根。」

Eddie又說在無綫新劇中又演奸角，笑言已成為「專業惡人」，雖在無綫發展不錯，但為搵錢養家，打算返內地拍戲搵錢：「我依家唔係一支公嘛，想返內地搵吓機會，都係拍劇為主。」

提到早前，組合EO2 3名成員於ViuTV合體，唯獨欠他一個，問到可有感到可惜？他說：「冇辦法，合約問題，都會尊重，我哋2013年解散，睇機緣際遇，可能江湖再見，係想嘅再合體，開心嘅。」問到他們可試過不和？他直言每個成員本身也很「麻煩」，不時會鬧交，期間還會鬧到講粗口，但鬧過後便沒事，不會有心病。