似足兩婆孫！趙希洛獲李香琴製戲服親自送到澳洲

資深演員李香琴昨日設靈，不少圈中人都前來道別，小時候便認識琴姐嘅後輩趙希洛（Candice）都有到場，深夜更喺社交網發文悼念！佢上載咗幾張童年照，見到琴姐為佢梳頭，對Candice愛錫有加，似足兩婆孫咁！

Candice以「琴婆婆」來稱呼對方，透露當年琴姐知道佢好喜歡中國古裝大戲同埋跟住扮，所以特別為佢製造咗件童裝版嘅戲服，更親自帶去澳洲送畀佢！佢憶述當時每日都要着住件衫幾個鐘，唔肯除低，呢個絕對係佢最快樂及鍾意嘅童年回憶之一，最後佢以「We will miss you❣️? Farewell 琴婆婆」作結。