向陳豪挑機?馬浚偉咖啡生意升4成 終極目標係…

20210126
東網電視
更多新聞短片
藝人馬浚偉在將軍澳電視城出席myTV SUPER節目《緣來自咖啡2》記招,無綫兩大高層曾勵珍與樂易玲更現身支持,他親手沖調咖啡答謝恩師珍姐。新1輯節目以全女班作為嘉賓,他指最深印象是鍾嘉欣分享了不少心底話,他說:「喺節目分享咗好多拍戲嘅經驗,嘉欣第1套劇就係同我合作,嗰時佢係新人,有唔開心都會同我講,我同佢講過1句說話,話入咗娛樂圈學乜都好,千祈唔好學壞,佢咁多年都冇變,到依家仲記得呢句說話。」
創立咖啡品牌的他開設了咖啡工場,正與酒店傾談合作,雖然沒有店舖,但透露在疫情下網上生意增加了4成。講到咖啡生意與陳豪對撼?他笑說:「唔係,咖啡嘅市場好大,阿Mo(陳豪)嘅咖啡我都有飲,仲好好飲。(有冇交流咖啡心得?)冇,我哋係唔同嘅派別,我係讀書嘅,佢就由基礎練起,佢嘅經驗豐富過我,等疫情之後大家交流吓。(如果開第4輯搵陳豪做嘉賓?)咁咪即係叫佢嚟踢館,哈哈,都好喎,佢份人好溫和,唔會踩低人哋。」既讀咖啡又讀中醫的他透露終極目標是在10年內在香港開設有機農場,為將來退休生活做農夫鋪路。